Arestado ang 24 anyos nga si Eliseo Torabilla nga isa ka anay preso matapos makuhaan sang iligal nga droga kag armas sa buybust operation sa Purok Boulevard Barangay 14 sa Bacolod.
68,000 mil pesos nga balor sang ginapatihan shabu ang nakuha kay Torabilla kag sa iya man upod nga naaresto nga si Oliver Jumayao.
Magluwas sa droga, na recover man sang PNP ang .38 revolver nga armas ni Torabilla.
Kaso nga paglapas sa RA 9165 ang ginpasaka na batuk sa ila kag dugang naman nga illegal posession of firearms batuk sa anay preso.