Supermarket sa Brgy. Sum-ag sa Bacolod City gintuyo nga kawatan sang mga suspek nga nag-agi sa kalog sa Barangay Sum-ag sa Bacolod.
Naalarma ang mga security guard sang Metro Supermarket sa Barangay Sum-ag sang mabatyagan nga may nagapaniltig sa idalom sang salog sang supermarket.
Gani gilayon sila nga nagpa-alinton sa katapo sang Police Station 9 kaina sang aga.
Sang mausisa, nakit-an nga may buho kag mga litik ang floor tiles sang komboyahan. Malapit lang ang buho sa ATM.
Na-trace sang pulis nga ang buho ang naga-angut sa drainage system pakadto sa manhole nga yara sa gwa sang commercial establishment.
Na-recover man sang PNP ang hydraulic jack, lagari, bolt cutter kag mga pagkabutang sang nakapalagyo nga mga kawatan.