Naglawig sang masobra anum ka oras ang pag buga sang abo sang bulkan Kanlaon Miyerkules sang hapon.
Pag ka gab-i nagbuga pa gid liwat sang abo nga nag lawig sang masobra isa ka oras.
Paathag ni Mari-Andylene Quintia ang resident volcanologist sa Kanlaon Observatory sa La Carlota City nagapakita ini nga ang Kanlaon yara sa iya nga “unrestive” period.
Ang mga kasubong nga ash emission suno sa iya mapaabot sa isa ka bulkan nga yara sa Alert Level 2.
2:58 pm ang una nga ash emission sang Kanlaon Miyerkules sang hapon. 6hrs kag 21minutes ini nga naglawig.
11:05 pm ang ika duha nga ash emission kag naglawig sa isa ka oras kag 48 minutes.
Suno sa Philippine Institute of Volcanology and Seismology
nag generate ini sang grayish plumes nga nagsaka tubtob sa 900 meters halin sa crater.
Suno kay Quintia wala naman sang may gin-report nga ash fall gikan sa mga LGU.
Padayon ang monitoring sa Kanlaon bangud ang mga ash emissions suno kay Quintia gina kabig precursor ukon mga patimaan antes ang explosive eruption kaangay sang natabo sang December 2024.
“Ini siya pwede mag signify nga ang Kanlaon Volcano ara pa sa iya na unrestive period. Ini siya kay tungod nga ang aton bulkan ara sa gihapon sa alert level 2 pwede kita gihapon mag ekspektar nga may ara kita sang mga ash emissions. Pwede gid ini mag precursor sa mga explosive events. Kumbaga amo ni siya ang gina pakita nga mga precursor subong sang aton bulkan. For example, prior sang Decemeber 2024 nga eruption sang Mt Kanlaon naka experience sang mga ash emission. Ini siya ang nag sige-sige until nagkaroon ng explosive eruption sang December 2024”, suno kay Quintia.*