Kun ibase sa mga advisory sang Philippine Institute of Volcanology and Seismology ukon PHIVOLCS, nangin sunod-sunod ang pagbuga sang abu sang bulkan humalin pa sang November 1.
Nangin gray ang puti nga aso nga naga gwa gikan sa baba sang bulkan.
Suno kay Mari Andylene Quintia resident volcanologist sang PHIVOLCS Kanlaon Volcano Observatory sa La Carlota City, nangin sunod-sunod ang pagbuga sang dalagko nga volume sang abu sang bulkan.
Sang Nobyembre 1 naglab-ot sa 800 meters ang kataason sang gina buga nga aso sang bulkan nga may upod nga abu.
Suno kay Quintia health hazard ang manipis nga abo gani gina abisuhan ang publiko nga indi maguwa sa puluy-an apang kun indi malikawan, magsuksok sang gas mask ukon basa nga tela agud itabon sa ilong kag baba. Kaina sang aga sang ulihi nga buga sang abu ang bulkan.
Nagapabilin sa alert level 2 ang bulkan. Buot silingon may naga padayon mga aktibidad sa sulod sang bulkan.
May posibilidad sang phreatic ukon steam driven eruption ang bulkan.
“Meaning ang ash nga yara sa idalom sang crater ta possible nga ang ara sa rocks sa idalom gintulod siya pagwa sa continuous nga degassing. After sang eruption nag continuous ang aton degassing”, suno kay Quintia.