Pag supply sang probinsya sang pagkaon sa mga evacuees kag mga personnel nga naga serbe sa apektado ang tubtob na lamang subong nga adlaw.
14 diyas ukon duha man ka semana nga ang probinsya amo ang nag supply sang pagkaon sa mga 10,000 tanan ka evacuees kag mga workers.
Suno kay Provincial Administrator Rayfrando Diaz ini base man sa nakasugtan sang probinsya upod sa tatlo ka mga alkalde kasubong man sa Office of the Civil Defense.
Karon nga bag-ong tuig na replenish naman ang budget sang kada LGU.
Suno kay La Carlota City Mayor Rex Jalandoon kag Bago City Mayor Nicholas Yulo may budget ang LGU sa karon para sa kinahanglanon sang evacuees.
Dugang pa ni Diaz ang probinsya ang nagalantaw man nga panugod pa lang sang tuig kag indi malikawan nga basi may iban pa nga kalamidad nga matabo kag may iban man nga LGU nga maga kinahanglan man sang bulig.
Iya man ginsiling nga may iban pa man nga sarang makuhaan para sa food requirements sang mga apektado.
Ang Department of Social Welfare and Development ang sige man padala sang pagkaon.
Klaro ni Diaz ang community kitchen nga gin mount sang probinsya ang sarang gihapon magamit ugaling lain na ang maga supply sang pagkaon.
Bwas magasapol si Governor Eugenio Jose Lacson sa alkalde ang La Carlota, La Castellana kag Bago agudto matalakay man ang long term solution kaangay sang relocation labi na ang yadtong sakop sang 4 kilometer danger zone.
Dugang pa ni Diaz tion naman nga mapatuman sang mga LGU ang Comprehensive Land Use Plan.
Kun may plano ang mga LGU sarang nga makabulig ang probinsya para diri.
Ang 50 million pesos nga ginhatag sang Malacanang kun luyag sang mga alkalde ang pwede man magamit nga pondo sa pagbakal sang materyales sang mga puluy-an sang maga relocate.