Stepfather ni Pearl Joy Galve ang nagsungka na sa CIDG – Bacolod para malimpyohan ang iya ngalan angut sa kamatayon sang biktima.
Ginkumpirmar sang opisyal sang Bacolod City Police Office nga yara na karon sa kustodiya sang Criminal Investigation and Detection Group-Bacolod ang stepfather ni Pearl Joy ang grade 12 student nga na-missing kag nasapwan patay sa kampo sa Barangay Cubay sa La Carlota City.
Nagsungka si Rene John Nasis agud malimpyohan ang iya ngalan batuk sa mga akusasyon sa iya may kaangtanan sa kamatayon ni Pearl Joy.
Si Nasis ang ulihi nga nakit-an kaupod ni Pearl Joy sa gwa sang eskwelahan sa Barangay Sum-ag antes ini na-report nga missing sang Hulyo 29.
Agosto 4 sang makit-an ang nagakaagnas niya nga bangkay sa kampo.
Naka-upod pa si Nasis sa pagpangita sa biktima. Pero hinali nga wala na nagpakita sang makit-an na ang biktima kag nalubong.