Na-file na sang Sagay PNP ang kaso nga statutory rape batuk sa lalaki nga nakastiguhan sang mga akig nga pumuluyo sang gina-alegar maabtan nga iya ginhimuslan ang iya nga hinablos sa sulod sang patyo.
Nakuhaan pa sang video ang suspek samtang naga hublas kag gina kastigo sang akig nga mga pumuluyo. Suno sa hepe sang Sagay PNP nga si P/ Lt. Col. John Mocyat Jr., bisan ginpanginwala sang suspek ang krimen, ginpasakaan siya sa gihapon sang kaso.
Naga hubals siya sang maabtan sang mga pumuluyo sa kilid sang pantyon pati na ang menor de edad nga biktima. Gin-ako naman kuno ang suspek nga naka inum siya sang amo nga gab-i. Nakita siya sang mga pumululuyo nga gindala niya ang bata sa sulod sang patyo.
Nagpangayo sang bulig ang iloy sang biktima matapos nga wala na makapauli ang bata. Nabatian sang mga pumuluyo nga may naga hibi sa sulod sang patyo gani ila ini nga gin usoy kag naabtan sa akto ang suspek nga gina molestya ang bata. Naga pabilin siya sa custodial facility sang Sagay PNP.