Isa sa mga apektado sang ash fall kag baho sang asupre bangud sang pag buga sang bulkan Kanlaon amo ang Guintubdan sa Bago City.
Mga staff sang Rafael Salas Park and Nature Center ang temporaryo wala gin pa report subong nga adlaw bangud sang kakusog sang baho sang asupre.
Suno kay Dr Merijene Ortizo ang pamuno sang Bago Disaster Risk Reduction Management Office, sang Lunes Nobyembre 4, may pagtupa sang manipis nga ash fall sa Rafael Salas Park and Nature Center sa Guintubdan sakop sang Brgy Ilijan.
Kaina may na monitor man nga pag tupa sang manipis nga ash fall pero kay makusog ang baho sang asupre wala na gin pa report anay sang Tourism Office ang 18 ka mga staff sang amo nga park ang nature center.
Paathag ni Ortizo tungod man sang direction sang hangin indi ma negar nga ma apektuhan ang pila ka lugar sa Bago sa pag buga sang bulkan Kanlaon sang abo.
Damlag pa na orient na nga daan ang mga pumuluyo sang mga lugar nga masami naga kaapektuhan sang bulkan Kanlaon kun ano ang himuon sa kasubong nga mga tinion suno kay Ortizo.
“Subong nga adlaw wala sila gin pa report kay ang sulfuric smell isog katama. So gin pa stay indoor na lang sila. Kay dira sila ga istar. Kay ang wind direction amon gid basta mga amo ni nga panahon”, suno kay Ortizo.
Sa November 7, Phivolcs monitoring report may 14 ka volcanic eathquakes kag duha ka ashing event ang na-record.
Paathag ni Mari-Andylene Quintia ang resident volcanologist sang Kanlaon Observatory sa La Carlota City, ang ashing event dala sang padayon nga degassing sang bulkan.
Pero manipis lamang ang na monitor nga abo gani kun ipalid man ini sang hangin nga yara karon sa northwest nga direksyon indi na masyado kalayo pa ang malab–utan sang abo.
Sakop sa sini nga area suno kay Quintia ang Bago City kag Murcia.