Nag sapol sanday Agriculture Secretary Francisco Tiu-Laurel Jr., SRA Administrator Paul Azcona, kag SRA Board Member and Farmers’ Representative Dave Sanson para masabat ang kabalaka sa manubo nga presyo sang raw sugar nga nakit-an sa una nga sugar bidding sa Negros sang October 9.
Gina patigayon ang sugar biddings kada semana sa bilog nga harvest season nga nagalawig sa 38 weeks.
Sa gin pa gwa nga pahayag sang Department of Agriculture, sa initial discussion sa mga sugar traders, may yara sang market hesitation, nga gina impluwensyahan sang conflicting statements sang nagkalain-lain nga sugarcane farmer groups.
Bilang resulta, mga major traders ang nag paiway sa pag bakal sang kalamay sa nagligad nga bidding.
Sang Martes, ang napulo ka Negros Island Region lawmakers sa isa ka joint statement ang nag panawagan sa Sugar Regulatory Administration nga mag patuman sang gilayon nga tikang para masabat ang pag sarurot sang presyo sang kalamay nga nagtuga sang kabudlayan sa mga farmers nga ma recover ang ila nga production cost.
Ang millgate price sa kalamay ang yara sa P2,200 per 50-kilogram bag.
P300 below na ini sa estimated production cost.
Gani para mabalik ang kumpiyansa sa mga farmers, millers, kag traders, sanday Secretary Tiu Laurel, Administrator Azcona, kag Board Member Sanson ang naga pasalig sa stakeholders nga wala sang sugar importation nga gina plano tubtob sa katapusan sang sini nga milling season nga gina paabot sa tunga-tunga sang May kag June 2026.