Pamuno sang Sugar Regulatory Administration ang naga panawagan sa mga sugar farmers nga mag pabilin nga mabinantayon kontra sa RSSI ukon ang peste nga nag igo sa karon sa katubuhan.
Naga laum man ang SRA nga maga padayon ang growth trend sa sugar industry, ginsiling ni Administrator Pablo Luis Azcona nga mangin vigilant ang sugar farmers kag mag upod trabaho sa ila nga talatapan para malikawan ang paglapta sang red stripe soft scale insect ukon RSSI infestation.
As of August 11, 2025 sa datus sang SRA may 3,290.36 ka ektariya sang katubuhan ang na apektuhan sang RSSI sa Negros Occidental.
Ilakip ang iban nga lugar sa Visayas, may 3,394.92 ka ektariya sang katubuhan ang apektado kag 1,923 naman ka mga mangunguma.
“We noticed the earlier it is detected the easier it is to control. (do you think there’ll be a drop in production because of that ?) Too early to tell, we need to verify the areas na severely hit and we’ll see if they’ve recovered or not”, suno kay Azcona.
Samtang, nagsugod naman ang procurement process para sa pesticide nga paga gamiton kontra sa RSSI.
May gina hulat na lamang nga permit gikan sa Fertilizer and Pesticide Authority, para ang natungdan nga pesticide ang magamit sa tubo.
15 milyones pesos ang napain nga pondo, P5M diri ang gikan sa SRA kag P10M ang gikan sa Department of Agriculture.