Digicast Negros

Special child nga utod sang beauty queen nga si Vickie Marie Rushton nagpa bakuna

Talisay PIO photo

Padayon ang kampanya para sa bakuna kontra Covid-19. Kag sa Talisay City, nakahatag sang insipirasyon ang pagpabakuna sang utod sang beauty queen nga si Vickie Marie Rushton.

Sa post sang PIO Talisay, gin-updan mismo ni Vickie ang iya nga 32 anyos nga utod nga si Kian Eric Vincent nga gin dapatan sang iya nga first shot sang Pfizer vaccine kaina sang aga sa Talisay City Public Plaza. Mismo si Vickie ang nagbulig facilitate sa pagpapabakuna sang iya nga utod nga yara sa A3 category.

Sa mga comment naka butang ang pagpanginbulahan sa kay Kian bisan pa kay Vickie. Tuman ka close si Vickie sa iya utod nga si Toto Kian nga may yara sang down syndrome.

Mismo sa post ni Vickie sa iya nga social media account siya ang tuman nga nalipay nga nakabaton ang utod sini nga first dose sang bakuna. Siya ang tuman nga nagapasalamat sa tanan nga nagbulig labi na sa mga frontliners.

Ginsiling naman sang in-charge sang vaccination sa Talisay City nga si Razel Galang nga indi ini ang nahauna nga tion nga sila ang nakatigayon bakuna sang special child.

Exit mobile version
Skip to toolbar