Ginbawian sang kabuhi ang 18-anyos nga lalaki kag napilasan ang duha ka mga menor de edad sa nagluntad nga pagbungguanay sang duha ka mga motor sa Barangay Burgos, Cadiz City sang Miyerkules, Hunyo 24.
Ang napatay amo si alyas “Silver”, taga Brgy. Burgos samtang pilason ang iya angkas nga 14-anyos. Ang driver sang kontra nila nga motor, naga-edad 15-anyos, ang napilasan man.
Nag-gwa sa imbestigasyon nga ang motor nga ginadala sang 15-anyos ang pakadto Brgy. Burgos samtang sanday “Silver” kag iya angkas ang padulong Crossing Martesan.
Nadulaan sang control si “Silver” kag nagsaylo sa lane sang 15-anyos, rason sang pagbungguanay.
[sibwp_form id=1]