Mga mangunguma ang gina paabot nga mabuligan sa duha ka mga solar pump irrigation projects nga gin inagurahan sini lamang sa siudad sang Himamaylan.
Ang Cabanbanan Pump Irrigation Project kag Bingig CIS Pump Irrigation Project 2025 ang para sa Cabanbanan Kabsaka Farmers Association. Ini ang sa idalom sang National Irrigation Administration.
Ginsiling ni 5th District Congressman Dino Yulo nga antes sang duha ka mga solar pumps sa Himamaylan may yara na sang kasubong nga proyekto sa Hinigaran kag may gina paabot pa gid nga anum tubtob 7 ka solar pump irrigation projects sa area sakop sang 5th District.
Daku ini nga bulig sa patubig sang mga mangunguma sang humay suno kay Yulo labi na karon nga may yara pa gid sang gina atubang nga El Niño.
“Upod to sa amon nga request sa NIA ang mga solar pumps para sa mga rice producing areas. Kagapon duha, previously sa Hinigaran, and I think may anum pa kami or pito nga incoming nga inug inaugurate,” suno kay Yulo.
[sibwp_form id=1]