Solar Power installation project ginasuguran na sang Bacolod LGU sa 15 ka mga barangay.
Magluwas sa ginsuguran nga solar power installation project sa Bacolod City Government Center, ginsuguran naman ini sa Barangay Alijis nga karon 97 percent na nga malapit matapos.
14 pa ka mga solar power installation project ang ginapaidalom sa bidding.
Nalakip diri ang sa Barangay Handumanan, Singcang-Airport, Tangub, Pahanocoy, Sum-ag, Punta-taytay, Barangay 16, Felisa, Estefania kag Cabug.
Ang solar power project ang may kabilugan nga 1,000 kilowatt peak nga capacity.
Ini ang ginapaabot sang Benitez administration nga makabulig sa pagkinot sa balayran sa supply sang kuryente.
Ang pag-gamit sang renewable energy nangin prayoridad man ni Mayor Albee Benitez agud mas mapangapinan ang palibot.
Ginpahayag ni Engr. Loben Ceballos, officer- in- charge sang City Engineer’s Office, kapin sa P100M ang ginpain nga pondo gikan sa loan agreement para sa mga proyekto nga ginapaabot matapos sa sini nga tuig.