Padayon nga nagaka tiphag ang duta sa tailings pond number 1 sadto sang Maricalum Mining Corp sa Sipalay City.
Suno kay Dionilo Bogtae ang Disaster Risk Reduction Management Office Coordinator sang Sipalay City, na cordone na nila ang lugar.
Ang adjacent nga dalan ang naga serbe nga alternative nga alagyan para sa mga naga agi pa sa area, labi na karon nga padayon nga naga katiphag ang duta.
Sa video nga kuha ni Bogtae sang Agosto 26, makit-an ang amat-amat nga pag katiphag sang duta dala sang pila man ka adlaw nga ulan.
Suno kay Bogtae madugay na nila nga gina monitor ang lugar bangud indi malikwan nga kun mag ulan naga katiphag ang duta.
Samtang, sa monitoring sang Provincial Disaster Risk Reduction Management Office, suno kay Irene Bel Plotena ang pamuno, naghulaw naman gid ang ulan labi na sa sur nga bahin sang probinsya nga sa nagliligad nga adlaw may pagtupa sang mabunok nga ulan dala sang habagat nga gin pabaskog sang bagyo.
“Actually didto man ko gina halin kag sige pa ang progress sang erosion. Ang mga marker nga gin butang ko gani gapon nadagdag na.
Ga stroyahanay kami sang MGB Region 6 parte sa sina nga concern da.
Ina da gina agyan pa na da siya, damo pa na da ga agi nga motorcyle. May duha pa na da ka purok sa babaw niya na, kag ang diri sa Gil Montilla”, suno kay Bogtae.