Negros Occidental Little League Softbelles ang nagpanguna sa ila nga pool standing matapos ginlutos ang Michigan sa score nga 10-0.
Ginpangunahan sang pitcher nga si Erica Arnaiz ang Asia-Pacific Little League Champions agud nga makuha ang kadalag-an batuk sa team gikan sa Central Region para sa 2023 Junior League Softball World Series sa Delaware, USA.
Si Arnaiz ang ginkabig nga cheat code bangud sang onse tanan ka mga strikeouts kag dugang nga run batted in kontra sa Michigan.
Magasambua ang Philippine team kontra sa hometeam sang Delaware para sa quarterfinals.
Nagapanguna sila sa Pool A standings nga may 4 win kag 1 loss record.
Ang team ang ginatiglawas sang softbelle team gikan sa Bago City.