Nag apply na sang Resolution of No Objection ang SM Prime Holdings sa Barangay Singcang-Airport sa Bacolod para maka pangudal sa ila 20 ektaryas nga nabakal nga duta sa old airport sang Bacolod.
Suno kay Punong Barangay Atty. Caesar Distrito, magasugod na ang SM sa pagpangudal sa ila nga propiedad.
Ugaling may 36 ka mga pamalay nga mangin apektado sang proyekto bangud naga puyo sila sa sulod mismo sang propiedad pero nasugilanon na sila ni Distrito kag ginpahangop sa ma benepisyo indi lang sang barangay kundi sang bilog nga siudad sa gina plano nga proyekto.
Gintagaan ang mga pamilya sang financial assistance gikan sa SM kag siudad sang Bacolod.
Tubtob na lang sila sa bulan sang Marso sa amo nga lugar kag boluntaryo nga maga biya.
Damlag pa gin anunsyo sang SM ang plano nga township project sa area nga naga lakip sang mall, high rise condo units kag iban pa nga mga buildings sa amo nga duog.