Sa pagsugod sang operation sang newly-installed nga Philippine Drug Enforcement Agency-Negros Island Region, nangin mabinungahon ang ila una nga duha ka operations sa Siquijor kag Negros Occidental matapos makadakup sang tatlo ka ginakabig high-value-targeted personalities.
Gin-aresto sang PDEA-NIR agents upod ang Siquijor police, ang 23-anyos nga Sangguniang Kabataan kagawad sadtong Hulyo 14 sa Barangay Ibabao, Siquijor.
Nakuhaan sang duha ka sachets sang ginasuspetsuhan shabu ang SK Kagawad, isa ka cellphone, motorsiklo kag buy-bust money.
Pagkasunod nga adlaw, duha naman ka tricycle driver ang nakuhaan sang kapin P400,000 nga balor sang ginasuspetsuhan shabu sa Barangay 3, banwa sang Hinigaran, Negros Occidental.
Sa idalum sang Republic Act 12000 ukon ang The Negros Island Region Act, tigayon nga natukod sang PDEA ang PDEA Regional Office-NIR sa pagpamuno ni Regional Director Melvin Estoque.
Sarang maka-operate ang PDEA-NIR sa mga probinsya, syudad kag kabanwahanan sa Negros Occidental, Negros Oriental kag Siquijor.