Si Vice Mayor Rhummyla Nicor ang nagbisita sa proposed relocation site, mismo man sa Brgy Robles.
Suno sa iya, ang tag-iya sang duta ang nagsulat sang letter of intent sa banwa. Ginpabutyag sini nga interesado siya sa pagbaligya sang duta sa banwa.
Mga duha ka kilometro, gikan sa highway, suno kay Nicor, ang proposed site nga naga lapad sang 8.3 hectares. May yara nga bahin sini ang naga slope pero ang flat area yara sa 6 hectares.
Sarang ini maka accommodate sang mga 300 ka pamilya mag tag 60 square meters ang kihad sang duta.
Para ini sa mga naga puyo sa sulod sang 15 meters sang rivebanks kag mga na wash out sa area nga gin-declare na no build zone.
Ipa assess pa sang banwa ang bili sang duta sa Provincial Assessor’s Office.
Ang banwa ang maga bakal sini. Kabahin sa pondo nga kuhaan ang gin hatag nga P10 million gikan sa Presidental Assistance Fund.
“Maka accommodate siya, kun mag tag 60 square meters man lang. And then gina lantaw namon, accessible siya if ang dalan ma rehabilitate kag may ara man siya water system didto. Kay ang sito sa pihak may ara man, padakuan lang. Ang kuryente may ara man sa pinaka last post, mga amo na siya ang preparahon. Daku-daku ang kinahanglanon. Pero ang nag baligya sang lote, willing siya nga i-stagger sang banwa ang bayad.”, suno kay Nicor.*