Silay City Mayor Mark Golez ang ikatlo nga mayor sa probinsya nga nag positibo sa Covid-19 sini nga semana.
Sa pahayag nga ginpa gwa sang alkalde iya ginsiling nga may yara siya sang mild symptoms kag siya ang fully vaccinated.
Damlag pa nag positibo sa Covid-19 sanday Mayor Pedro Zayco sang Kabankalan kag Neil Lizares sang Talisay City.
Sini nga adlaw nag paidalom naman sa swab test ang mga opisyales nga nagtambong sa Love Negros nga pag sinapol sang Sabado.
Sa test result nga na release, nag negatibo sa virus si Governor Eugenio Jose Lacson kag anay congressman kag karon Provincial Consultant Albee Benitez, Board Member Ryan Gamboa kag Mayors Francis Frederick Palanca, kag Marvin Malacon.
Samtang, suno kay Atty Edward Davila, ang city administrator sang Silay City, naka lockdown sumugod subong nga adlaw tubtob sa Domingo ang City Mayor’s Office para sa disinfection kag maga balik ang pagbukas sini sa Lunes.
Naka work from home naman ang mga empleyado sang amo nga talatapan.
Wala sang may ginswab sa mga empleyado sang CMO bangud sa contact tracing wala naman sang nakabig nga close contact sang alkalde.
“Gin pa lockdown lang namon for purposes of disinfection, wala man sang any close contact sa ila (CMO employees). After sina, once mag disinfect i-straight na lang sa until sa weekend kay indi na lang gid mag open para at least may time pa man nga mag sungaw sungaw nga indi ma mag circulate da ang whatever virus da be,” suno kay Davila.