Digicast Negros

Silay kag Cadiz Healing Center ginahimo anay nga quarantine facility para sa mga LSI

Capitol file photo

Ginabatun na sang probinsya sa mga healing center sini sa Cadiz City kag Silay City ang mga nag pinauli nga stranded individual sa bulan sang disyembre nga indi na ma accomodate sang ila tagsa ka banwa kag siudad.

Suno kay Atty Rayfrando Diaz ang Provincial Administrator, luyag sang probinsya nga mabatunon ang tanan nga mga na stranded gani ginabuligan nila ang mga LGU nga na overwhelm na ukon napuno na ang mga quarantine facility. Kun mapuno pa gid ang facility sang probinsya sa Silay kag Cadiz mahimo nga pati ang mambukal ipagamit para sa mga LSI suno kay Diaz.

Sa datus sang Provincial Incident Management Team as of Dec. 8, malapit 2,500 ka mga LSI ang nag inabot humalin Disyembre 1. Sa Domingo gin aprobahan man ang incoming flights sang PAL kag Cebu Pacific para sa mga LSI para ma accomodate ang mga na apektuhan sang ipatuman nga temporary suspension sa arrival sang mga LSI sa 18 ka mga local government units sa probinsya lakip na Bacolod.

Ginapaabot ang masobra sa 600 ang maga abot gikan sa amo nga mga flight.

Samtang, gin bag-o naman sang probinsya ang sistema sa pagpatigayon sang swabbing. Direkta na nga i-submit ang specimen sa molecular laboratory sang Teresita Lopez Jalandoni Provincial Hospital.

Ini kasunod sang na eksperiensyahan nga delay sa pag kuha sang resulta bangud nga may may specimen nga masobra na sa 24 oras na extract ukon nakuha kag ma endorse sa laboratory. Suno kay Diaz bangud sini indi mabasa sang machine ang swab specimen gani wala sang may ma generate nga result kag naga sulit sulit ang trabaho kag magasto.

Ang bag-o nga patakaran ang igapatuman na sumugod Hwebes nga adlaw.

Exit mobile version
Skip to toolbar