Siudad sang Silay ang maga avail sang 1.4 billion pesos nga loan para sa nagkalain-lain nga mga infrastructure projects nga naga lakip sang bag-o nga city hall.
Suno kay Mayor Joedith Gallego, ang 900 million peso loan sa total nga 1.4 billion pesos nga loan ang maga gikan sa Landbank kag ini ang na aprobahan na sang konseho.
Sa 900 million peso loan, 300 million ang iga allocate para sa city college, 300 million man para sa public market kag ang nabilin nga 300 million ang wala pa mapat-od.
Ayhan para sa sports complex ukon coliseum bangud wala pa ma finalize ang lot donation. Separado naman ang 500 million peso loan para sa bag-o nga city hall kag ini ang iga avail sa Development Bank of the Philippines.
Sa Barangay Rizal sa gihapon tukuron ang bag-o nga city hall suno kay Gallego. Ginpasalig na sya sang DBP sa katumanan sang amo nga loan suno kay Gallego.