Patay ang 69 anyos nga si Olivia Porceso matapos mabungguan sang auto sang Sabado sang kaagahun sa highway sang Barangay Alijis.
Sa imbestigasyon sang Police Station 8, si Porceso ang nagatabok lang sa dalan sang siya ang mabungguan sang salakyan.
Suno kay Captain Elmer Bonilla, hepe sang Police Station 8, tubtob karon wala pa maka sungka ang driver sang salakyan nga naka bunggo sa lola.
Ila pa nga tan-awun suno kay Bonilla kun nakuha sang CCTV sang DRRMO ang pag bunggo kay Porceso kag kun bala ma identify ang salakyan para makilala ang driver nga naka bunggo sa biktima.