Nabungguan sang motor ang 81 anyos nga si Melicia “Meling” Janipin samtang naga tabok sa pedestrian lane sa Kilometer 43 Albiga Siaton, Negros Oriental sang Domingo sang hapon.
Gilayon siya nga gindala sa Siaton District Hospital pero gindeklarar nga dead on arrival.
Sa report sang Siaton PNP, ang naga dala sang motor ginkilala kay Jeneven Suan, 22 anyos kag may duha ka mga menor de edad nga mga angkas.
Sa kakusog sang impact, mga napulo ka metros ang ginlabog sang lola gani nag agum siya sang seryoso nga samad sa lawas.
Ang driver pilason man kag natukiban nga wala sang driver’s license.
Ang mga sakay sa motor ang gikan sa isa ka pagtipon tipon sa isa ka beach resort suno sa pulis.