Na utod ang kamot kag tiil sang senior citizen matapos ginlabo sang kaingod balay sa Barangay Orong, siudad sang Kabankalan, sadtong Sabado nga adlaw.
Ginsiling ni Police Captain Joelan Vinson, deputy chief sang Kabankalan PNP, nabulong pa sa ospital ang 60-anyos nga biktima apang ginbawian sang kabuhi sang Lunes.
Sa imbestigasyon sang PNP, ginpasibangdan sang biktima nga kawatan ang 35-anyos nga suspek, rason nga ginsulong siya sa iya balay kag ginlabo sang makapila ka beses gamit ang binangon.
Na priso naman ang 35-anyos nga suspek kag maga pangatubang sang kaso nga murder.
Personal grudge ang motibo nga ginalantaw sang kapulisan sa insidente.