Patay ang security guard matapos nga malapakan sang truck sa Crossing Daan, Brgy. San Teodoro banwa sang Binalbagan, pasado las 6 kaina sang aga.
Suno sa kay Police Major Randy Babor ang hepe sang Binalbagan PNP, ang biktima gina-alegar ginkilala sa kay JM Dayapdapan. Naga sunod siya sa isa pa gid ka motorsiklo.
Hinali na lang nga nakabunggo ang biktima sa ginsundan sini nga motor kag nagtabog kag nalapakan sang truck.
Ginhingagaw pa dala ang biktima sa ospital apang ginbawian siya sang kabuhi.
Sa karon detained sa Binalbagan PNP ang driver sang truck.