Gin-untat na ang Search, Rescue and Retrieval ukon SRR Operation nga gina patigayon kasunod sang pag-igo sang Bagyo Tino sa Negros Island Region.
Suno sa pamuno sang Office of the Civil Defense Negros Island Region, Donato Sermeno, III, sandig sa memorandum sang National Disaster Risk Reduction Management Council, Nobyembre 16, gin-terminate na ang SRR.
Pero sa NIR suno kay Sermeno, ila nga ginkasugtan nga kun may pamilya nga mag hinyo nga ipadayon ang pag pangita sa ila na missing nga himata bagud indi sila na kunteto, sarang ini nga ma accommodate.
Sa karon padayon ang pag consolidate sang datus sang Management of the Dead and Missing nga cluster.
Paathag niya, ang damlag pa 107 nga patay nga gin-report bangud sang bagyo Tino may mga entries nga nagdoble.
As of 11am nga datus subong nga adlaw, base man sa record sang Police Regional Office NIR, suno kay Sermeno, ang patay 95.
92 diri ang identified ukon nakilala kag tatlo ang unidentified.
40 naman ang missing. Ini sila ang identified man suno kay Sermeno.
Sa pihak nga bahin, sa report sang Department of Energy, as of 11 am, 100 percent na nga restored ang kuryente sa Negros Oriental.
Sa coverage sang NONECO may siyam ka mga banwa kag siudad nga may yara sang partial power interruption kag wala pa ini na restore.
Sa coverage naman sang NOCECO, 76.74 percent ang tigayon na retore ang power supply.
Sa sakop sang Negros Power, ang Bacolod 98.9 percent na nga restored as of 8am.
Sa bilog nga coverage sang NEPC, 20.58 percent ang nabilin nga wala pa ma energize.
“November 16 ang advice sang NDRRMC. Pero diri sa level naton, istoryahanay namon, si General Dumusmog reprsenting ang head sang SRR naton, i-case to case basis niya pag di pa satisfied ang family, pwede niya pag bigyan”, suno kay Sermeno. *