Nagbiyahe ang 53-anyos nga amay sakay sang barko gikan Batangas kag padulong Negros Occidental agud kuntani nga kadtuan ang iya nagamasakit nga bata sa ospital sa Bacolod City.
Si Danilo ang residente sang Brgy. Sikatuna sa banwa sang Isabela, Negros Occidental.
Disyembre 13, mga las 9 sang gab-i, ulihi nga naka-contact si Danilo Villaluz sa iya pamilya kun diin naka-selfie pa ini kag naglisensya nga matulog anay.
Magadungka kuntani ang barko sa Caticlan, Disyembre 14 sang aga kag maga-abot sa Bacolod sa hapon, apang wala na maka-contact si Danilo sa iya pamilya.
Las 11 sang gab-i sang natawgan na ang cellphone ni Danilo kag ang nagsabat amo ang staff sang Starlite Ferries Inc. sa Caticlan nga nagkumpirmar paagi sa chat, nga nakasakay sa barko si Danilo, ugaling nadula siya kag ang nabilin na lamang amo ang iya backpack, sling bag, sapatos, ID, kwarta kag cellphone.
Nagmando si Philippine Coast Guard Commandant, Admiral Ronnie Gil Gavan sang intensive search and rescue operation agud ma-locate ang pasahero sa Batangas-Caticlan route, gamit ang SAR vessels kag aerial assets sang ahensya.
Samtang, nagpadulong ang isa ka bata ni Danilo sa Caticlan agud pangitaon ang iya amay.*