Gin-cancel sang Bacolod Comelec ang naka schedule sini nga satellite registration subong nga adlaw pati na ang naka schedule sa bwas nga adlaw, Sabado.
Suno kay Bacolod elections officer Atty Kathrina Trino-Cana, ang pag cancel sang satellite registration may angut sa pagsunod sa protocol, karon nga may isa ka empleyado ang Bacolod Comelec nga nagalain ang pamatyag kag iga-swab subong nga adlaw.
Naka report pa sang Lunes ang natungdan nga empleyado kag nag absent ini sang Martes bangud sang iya nga ginabatyag.
Suno kay Trinio-Cana, ang tanan nga empleyado ang maga-isolate anay tubtob nga mag gwa kag mapat-od ang resulta sang swab test.
Ilakip ang nagamasakit nga empleyado, 16 tanan ang empleyado sang Comelec Bacolod kag isa lang ang wala na expose sa natungdan.
“Pagkabaton namon sang tawag nga ma pa swab na siya, gin ano naton nga ma cancel satellite registration (today and tomorrow) yes, today and tomorrow. Depende naman sa result sang swab test. (sino nag-decide nga ma cancel ang Comelec mismo?) amo na ang aton protocol.”