Banwa sang San Enrique ang ginpaidalom sa state of calamity.
Sa special session sang Lunes, sang Sangguniang Bayan tigayon gin-aprobahan ang resolution nga nagapaidalom sa banwa sa state of calamity.
Suno kay Mayor Jilson Tubillara, halos ang bilog nga banwa ang apektado sang habagat.
Kun indi pag baha dala sang mabunok nga ulan suno sa alkalde ang nag igo sa barangay, may mabaskog naman nga hangin labi na ang malapit sa dagat.
Sa September 15 nga datus sang DRRM, 9,262 ka pamilya ukon 29,823 ka persona ang apektado sang habagat sa banwa. 869 sa sining mga pamilya ukon 1,945 ka persona ang gin-evacuate.
Ginsiling ni Mayor Tubillara mas daku ang pagbaha subong sang sa nagligad nga pagbaha sa banwa.
Kun tubig lamang sa San Enrique ang nag igo sa ila mahimo nga maga subside ini ugaling kay ang tubig gikan sa mga kaiping nga banwa kag siudad ang nag apekto man sa ila.
Paathag ni Tubillara daw catch basin ang ang sitwasyon sang ila nga banwa.
Pila sa mga apektado sang baha amo ang Brgy Sibucao, Baliwagan, Batuan kag Guintorilan suno sa iya.
As of press time may yara pa sang mga dalan nga indi sarang maagyan suno sa Alkalde.
187 naman ang nagkalaguba nga balay sa San Enrique, lima diri ang totally destroyed.
“Siguro nabuhi matyag ko ang dam sang Bago kay daw severe ang baha sa amon subong. Daw daku-daku gid. (subong naga baha da gyapon?) Sige pa. In some barangays. Iban impassable pa gyapon pero gina gamitan namon sang matag-as nga vehicle nga maka penetrate”, suno sa alkalde.