Nagdangat sa 4.4 million pesos ang sales sa sulod sang duha ka adlaw sa mga trade fair, kiosk kag pavilion sa Panaad sa Negros Festival.
Sa report nga gin-release, pinaka daku nga nagbenta amo ang mga LGU Pavilion nga yara sa masobra sa 2.4 million pesos sa sulod sang duha ka adlaw. Nagasunod naman ang San Miguel/Garden Show nga may yara sang 1.1 million sales, Food Alley masobra sa 400,000 kag Provincial Veterinary Fair nga masobra sa 310,000 pesos. Ang MUAD trade fair may yara sang masobra sa 85,000 pesos kag ang Office of the Provincial Agriculturist ang may masobra naman sa 58,000 pesos. Padayon ang selebrasyon sa Panaad sa Negros Festival karon, nga maga takop sa Abril 21.