Na recover sang Biyernes sang kapulisan ang Mitsubushi Mirage nga salakyan ni Bago City Councilor Cleo Gaudite nga nag alegar gin kastigo kag gin hold up sang duha ka persona sang nagligad nga Miyerkules sa sulod sang isa ka motel sa Bacolod.
Suno kay Police Captain Paul Vincent Pendon, hepe sang Police Station 2, ang salakyan sang konsehal ang nakit-an nga naga park lang sa kilid sang dalan sa Circumferential Road.
Wala man sang may nakuha sa sulod sang salakyan suno sa pulis.
Damlag pa ginpahayag sang Police Station 2 base sa statement ni Gaudite nga siya ang ginparahan sang duha ka lalaki sa Lacson Street kag ginpa drive padulong sa isa ka motel.
Didto na gin hold up sang duha ka suspek ang konsehal kag ginkuha ang iya cellphone kag cash pati na ang iya salakyan nga gin gamit bilang getaway vehicle.
May mga labhag sa nagkalain lain nga parte sang iya lawas ang konsehal tuga sang pagkastigo.
Padayon pa ang imbestigasyon sang Police Station 2 sa kaso. Wala pa man sila sang persons of interest tubtob karon.