Pag bunggo sang salakyan sa poste sang kuryente nag tuga sang tatlo ka oras nga brownout.
Wasak ang atubang sang isa ka Isuzu Sportivo matapos ini kagab-i mag bunggo sa poste sa kuryente sa kilid sang highway sa siyudad sang Silay.
Suno kay Police Lt Col Robert Petate, nadulaan sang kontrol ang drayber sang salakyan kabangdanan nga ini ang nag bunggo sa poste sa kilid sang dalan.
Nagupi ang poste suno kay Petate kag ini ang nag tuga man sang brownout nga naglawig sang kapin tatlo ka oras suno sa iya.
Wala naman nila maabtan ang driver suno kay Petate bangud ginsugat ini sang iya upod. Posible may mga pilas man nga naagum ang driver bangud sang pag bunggo.