Nagpapili nga barangay kagawad sa Barangay Tangub sa Bacolod magahulat para sa iya proklamasyon matapos ang natabo ang sala nga pagproklamar sang ika-pito 7 nga kagawad.
Nahangpan ni Erwin Montaño ang kapaltahan sang Barangay Board of Canvassers gani wala siya na-proklamar bisan nag gwa nga ika-apat siya sa mga nagdaug nga kagawad sa Barangay Tangub.
Gani magahulat man siya tubtob nga ma-correct sang Comelec En Banc ang sala, paagi man sa iga- file sang Petition to Correct Manifest Error sang Baranga Board of Canvassers.
Matapos man ma-review sang Comelec-Bacolod ang resulta sang pinili-ay nag-gwa nga nalakip si Montaño sa mga nagdaug bilang ika-apat sa pagka kagawad sang nakakuha sang 3,086 ka mga boto, labaw sa 2,799 ka mga boto nga nakuha ni Hannah Sanchez nga amo ang ginproklamar nga ikapito sa mga nagdaug nga barangay kagawad.
Suno kay Comelec-Bacolod Election Officer Atty. Kathrina Trinio-Caña, sarang mag-assume sa pwesto si Sanchez tubtob nga makapagwa sang mando ang Comelec En Banc angut sa pagproklamar kay Montaño.
Si Montano ang ambulance driver sang barangay kag karon nagpapili sa pagka kagawad sang barangay.