Patay ang 35 anyos nga si Jovy Española, matapos ini gin buno-buno sang mag-amay sa Brgy. Batuan sa La Carlota City.
Ang suspek amo sanday Andy kag Aldrin Dequiña nga lunsay mga sakada man parehos sa biktima.
Suno sa PNP, upod nga naga inom sang Martes sang gab-i ang biktima kag ang mag-amay sa ila sini barracks.
Sa tunga sang imnanay, ginpalapitan sang amay nga si Andy si Española kag iya ini gin buno sa tiyan.
Sang matumba, ang iya naman anak nga si Aldrin amo ang nag buno buno sa biktima.
Daan nga away amo ang gina lantaw sang PNP nga motibo sa pagpatay kay Española. At large sa karon ang mga suspek.