Isa ka pampubliko nga eskwelahan sa Barangay Poblacion, banwa sang Moises Padilla, Negros Occidental ang nag-suspend sang klase subong nga adlaw bangod sang pagpamahog online.
Ang Moises Padilla amo ang ika anom na nga local government unit sa Negros Occidental, magluwas sa syudad sang Bacolod, nga naka-suspend na sang klase sini nga bulan bangod sang threat nga gina-post sa social media.
Nagpaandam ang Moises Padilla PNP nga pag kapriso ang sarang madangatan sang persona sa likod sang sini nga mga pagpamahog.
Agud mapasiguro ang safety sang tanan, lakip na sang mga estudyante kag manunudlo, pila ka mga pulis ang gin-deploy sa mga eskwelahan sa Moises Padilla.
“Naga-conduct kita investigation. So far wala pa nakilal-an ang identity sang naga-post sang pagpamahog but we already coordinated with the Regional Anti-Cybercrime Unit for his identification. Indi lang naton pagkabit-balikat ang ini nga pamahog, we already acted and deployed personnel sa mga schools nga ginbantaan. Sa naga-obra sini, kabalo kamo nga may kaukulang parusa kung makilal-an ang identity niyo. Dapat untaton na kay wala ina sang maayo nga mahimo sa mga students. Kung madakpan, mapriso gid,” suno kay Police Major Ryan Villasario, chief of Moises Padilla PNP.
[sibwp_form id=1]