Patay ang 37 anyos nga si Rodel Nobleza matapos ini ginluthang sang Dominggo sang aga sang lima ka mga armado nga nagpakilala katapo sang NPA sa Barangay Marcelo sa Calatrava.
Suno sa PNP, naga byahe lang sakay sa motor ang biktima angkas ang duha ka menor de edad.
Sang mag agi sa barangay road, hinali na lang siya gin pa pondo sang lima ka armado nga lalaki.
Ginpapanaog ang duha niya nga angkas kag ginpatalikod antes gin tiro sang makapila ka beses si Nobleza.
Nadula man suno sa pulis ang dala nga 80,000 pesos nga kwarta sang biktima gikan sa iya negosyo.
Gina usisa pa sang kun ano ang motibo sa pag patay sa iya apang may reported gid man suno sa pulis angut sa presensya sang mga armado nga persona sa area.
[sibwp_form id=1]