Arestado ang 41 anyos nga si Jonelly Lacson nga naga pakuno kuno abogado matapos ini gin entrap sang kapulisan kahapon sa Barangay Sum-ag sa Bacolod.
Suno kay Captain Rondyl Tapang, hepe sang Police Station 9, sang Hulyo sang mabal-an sang suspek ang problema sang tagreklamo nga iya nakilala sa parlor, may angut sa partner sini nga na preso karon sa BJMP.
Ginpangakuan suno kay Tapang ni Lacson ang biktima nga iya buligan maka gwa sa BJMP ang iya partner.
Nakahatag nas adto isa ka libo ka pesos ang biktima kag tuyo mag pangayo sang dugang nga 30,000 pesos si Lacson amo kun ngaa nag pangayo na sang bulig sa PNP ang tagreklamo kag gin entrap ang suspek.
Naaresto siya kag natukiban nga indi ini matuod nga abogado kag naga pa kuno kuno lang.
Nahibaluan pa nga siya ang katapo man sang Non Goverment Anti-Crime Community Service Group Organization nga force miultiplier sang PNP.
Ginpanawagan man ni Tapang ang iban pa nga na biktima ni Lacson nga magpasaka sang dugang nga reklamo batuk sa iya.