RTWPB nanindugan nga wala sang pag-abuso sa ginapatuman nga wage order.
Ginhinyo nila sa NWPC nga i-deny ang petisyon sang business sector kontra sa dugang nga saka sa sweldo.
Wala sang nakita nga rason ang pamunuan sang Regional Tripartite Wages and Productivity Board nga mapunggan ang pagpatuman sang bag-o nga wage order.
Sa ila ginpalab-ot nga sabat sa National Wage and Productivity Commission, nanindugan man si RTWPB chairman atty. Sixto rodriguez nga wala sang abuse of discretion sa ila nga bahin kag dapat man i-deny sang NWPC ang petisyon sang katapo sang business sector batuk sa dugang nga saka sa sweldo.
Walo ka mga business group ang nagpalab-ot sang petisyon sa NWPC para i-recall kag i-defer anay ang pagpatuman sang dugang nga saka sa sweldo bangud man sang lack of merit.
Ginsiling ni Frank Carbon, executive director sang Metro Bacolod Chamber of Commerce and Industry nga wala pa makabangon ang business sector, ilabi na ang mga magagmay nga negosyo sa epekto sang pandemic.
Gani ginhinyo man nila sa NWPC nga kuntani mapanubo sa P35 tubtob P45 pesos ang dugang nga saka sa sweldo sa baylo nga P55 asta P110 pesos nga saka sandig sa mandu sang RTWPB.