Sang nagligad nga semana ginsiling sang Department of Energy nga posible makaayo na sa katapusan sang Agosto ang pila ka mga nag kalaguba nga mga planta kag mapa hagan-hagan na ang brownout sa Visayas. Pero subong naglala pa gid ang sitwasyon.
Kun sang nagliligad nga semana tig duha lang ka oras ang manual load dropping ukon ang bulos-bulos nga mga brownouts sa area sang Negros Power, subong nga Huwebes, naglala pa gid. Tig tatlo na ka oras ang brownout sa kada area base sa announcement sang power company.
Pati weekends, wala makaluwas, pati Sabado kag Domingo may brownouts man.
Sang nagligad lang nga semana sang gin announce ni Department of Energy Secretary Sharon Garin nga ginapaabot nila nga sa katapusan sang Agosto makaayo na ang pila sa mga nag-shutdown nga mga planta sa Visayas kag ini ang maka pahagan-hagan na sang brownouts. Pero wala ini matabo. Kulang sa gihapon ang power supply sa bilog nga Visayas gani ginapatuman ang sunod-sunod nga brownouts sa kada adlaw.
Sa advisory sang National Grid Corporation of the Philippines ukon NGCP wala gid sang power supply halin sa Mindanao Grid nga napasa sa Visayas subong nga adlaw.
Kulang ang power supply sa Visayas gani nagakuha pa ini sang dugang nga kuryente sa Luzon kag Mindanao.
[sibwp_form id=1]