Wala pa gina-recommend sang Bacolod Traffic and Transport Management Department ang pag-gamit sang BANOCEH para sa mga trucks kag heavy equipment.
Ini bangud man sang kakulang sang mga road signs kag mga suga.
Ginsiling ni DPWH – Bacolod OIC Leah Jamero, indi pa man gid kumpleto ang construction sang BANOCEH amo nga ini ang ila ginatagaan prayoridad.
Ang konseho sang Bacolod ang nagmando sa BTTMD nga tun-an ang pagpatuman sang total truck ban sa Circumferential road kag gamiton ang BANOCEH nga mangin exclusive route sang mga trucks kag heavy equipment nga nagalabay sa siudad.
Ginpasalig ni Jamero nga mangin prayoridad nila ang planning, construction kag maintenance sang mga dalan kag iban pa nga mga public work projects sa 2025.
Nalakip na diri ang mga major infrastructure projects nga nasuguran sa idalom sang pagpamuno ni anay District Engineer Abraham Villareal nga nagretiro sini lang nga bulan.