Road closure kag truck ban ginatun-an sang siudad kag Bacolod Yuhum Foundation para sa natalana nga performance sang SB19, nanday Moira kag TJ Monterde kag KZ Tandingan kag iban pa sa October 18 kag 20.
Sa October 18 natalana maga perform ang rap artists nga sanday Skusta Clee kag Flow G para sa Sari-Sari Store and Masskaravan Concert sang Puregold kaupod ang kilala nga grupo nga SB19 sa Bacolod City Government Center.
Sa October 20 sanday Moira naman kaupod ang actor nga si Piolo Pascual kag Franco Band nga ginapanguhan sang ila front man nga si Franco Reyes ang maga-perform sa Bingoplus Day sa BCGC.
Magabalik ang kilala nga singer songwriter nga si TJ Monterde kaupod ang misis nga si KZ Tandingan.
Ginapaabot ang pagdagsa sang mga tumalan-aw sa amo nga inadlaw.
Gani ginatun-an na sang siudad upod sa Bacolod Yuhum Foundation ang pagpatuman sang road closure kag truck ban.
Sa pihak nga bahin ginpahayag ni Mayor Albee Benitez nga indi na kinahanglan ang signal jamming.
Pero igapatuman ang city wide gun ban tubtob Oktubre 27.
Ginakinahanglan ang issuance sang permit gikan sa LGU para sa pag-gamit sang drone sa festival sites.