Nagsugod na ang temporaryo nga pagsira sang North kag South Capitol Roads sa Bacolod City.
Ini kabahin sa pag hatag sang ligwa sa paghanda para sa Terra Madre Asia and Pacific 2025 nga paga hiwaton sa Nobyembre 19 tubtob 23. Ini ang isa ka international event nga naga tib-ong sa mga mangunguma, mga fisherfolk kag mga food communities.
Ang padulong sa Norte gikan sa Gatuslao St ang pwede mag agi sa dalan Aguinaldo.
Angut diri ang temporaryo nga pag sira sang North kag South Capitol Roads ang magalawig tubtob sa Nobyembre 24.
Suno sa organizers sang Terra Madre Asia and Pacific 2025, ginakilala man nila ang amat-amat nga pag balik sa normal sang sitwasyon gikan sa kahalitan nga natuga sang Bagyo Tino.
Nagapasalig sila nga ang ila nga team ang naga coordinate sa otoridad para man mapatuman sang tikang kag sang nagakaigo nga adjustment sa tion nga kinahanglan ini.
Ang Terra Madre event ang naga hatag sang ligwa para sa dugang man nga ihibalo, collaboration kag renewal – higayon nga makilala ang mga yara sa likod sang manami kag masustansya nga mga pagkaon sa komunidad kag pag pakita man sang kapag-on sang mga Negrosanon.*