Digicast Negros

Rider patay matapos mabungguan sang patrol car sang San Carlos

San Carlos PNP photo

Patay ang driver sang motorsiklo nga si Roy Valiente matapos ini mabungguan kahapon sang patrol car sang San Carlos PNP sa highway sakop sang Barangay Punaw sa San Carlos.

Suno kay Lt Col Jesus Mesajon, hepe sang San Carlos PNP, nag patrolya ang kapulisan kag papuli na ini kun tani kahapon sang mag overtake ang patrol car sa gina sundan nga tricycle.

Mahimo wala matalupangdan sang driver suno kay Mesajon nga may nagasugata nga motorsiklo sa pihak nga lane amo nga sila ang nag bungguanay.

Nag tinguha pa kun tani suno sa pulis nga mag preno ang patrol car amo nga nag swerve man ini kag nahulog sa kalog.

Dead on arrival sa ospital si Valiente. Detained karon sa San Carlos PNP ang driver sang patrol car nga si John Mil Nieves nga casual employee sang siyudad.

Exit mobile version
Skip to toolbar