Ginpahibalo sang mga kaparian sang Diocese of Bacolod nga ila gin-hold anay ukon indi anay pagdayunon ang retreat activity para sa Moral Recovery Initiative nga natalana para sa mga opisyales kag empleyado sang gobyerno.
Suno sa kay Fr. Anicet “Mao” Buenafe, nga una nangin lider sang inisyatibo, kinahanglan anay nga I-review kag mapat-od ang direksyon kag katuyuan sang programa bangud may kabalaka ang publiko nga basi may motibo pulitika sa likod sini.
Gindugang pa ni Fr. Buenafe nga ang inisyatibo ginlatag agud mapasanyog ang moralidad, integridad, kag responsable nga pang gobyerno, apang kinahanglan nga masiguro nga wala sang impluwensya ukon pamulitika antes ini padayunon.
Ginpasalamatan man niya si Cong. Albee Benitez, nga una nagresponde sa ila imbitasyon kag nagpasugot nga mag-upod sa inspeksyon kag sa plano sang Moral Recovery Initiative.
Ginpabutyag man ni Fr. Buenafe nga ang mga kaparian sa Bacolod naga hili-usa sa panawagan para sa matinlo kag responsable nga pang gobyerno kag para mabatian ang tingog sang mga imol kag gina palapaw nga sektor sang sosyodad.
Bilang sabat sa indi madayon nga retreat ginsiling ni Cong. Albee nga gina respeto niya ang sentiment sang kaparian kag tuman pa ka temprano para sa tanan.
Pero para sa iya importante ang guidance sang simbahan kag parehos sa simbahan, luyag niya man I-promote ang honesty, accountability kag moral renewal sa public service para sa siudad kag sa mga pumuluyo.