Ginakasubo sang Calatrava Municipal Disaster Risk Reduction and Management Office ang pagtaliwan sang ila responder sa nagluntad nga vehicular incident sa national road sang Barangay Bantayanon sa Calatrava, Negros Occidental, mga las 3:40 sang kaagahon, Lunes, Hunyo 22.
Napatay samtang ginabulong sa ospital ang driver sang duag itom nga Raider motorcycle nga ginkilala kay alyas “Raymund”, 22-anyos, taga Barangay Patun-an sa Calatrava kag na-assign sa Calatrava MDRRMO.
Pilason naman ang back-rider nga si alyas “Jp”, 23-anyos, residente man sang Brgy. Patun-an.
Nag-gwa sa imbestigasyon sang pulis nga may kadasigon ang pagpadalagan sang motor sang ini ang nakabunggo sa pang-ulihi nga bahin sang 10-wheeler truck nga nagapundo sa higad sang dalan.
[sibwp_form id=1]