Third District Representative Javier Miguel Benitez ang naga pamatuk sa gina propose nga ordinansa nga maga reverse sang gina patuman nga ban sang probinsya sa genetically modified organism ukon GMO nga naga lawig na karon sang 18 ka tuig
Sa interview sang media kay Benitez sang Domingo iya gin siling nga ang pag siling “no” sa ordinansa ang pinaka maayo nga tikang indi lamang para sa mga mangunguma karon kundi pati sa mga masunod nga henerasyon sang Negrosanon.
Sang gin pangayuan sang reaksyon, ginsililng ni Negros Occidental Governor Eugenio Jose Lacson ang tagsa ang may kinamatarung para sa iya nga opinion.
Ginsulit sang gobernador nga maga hatag na lamang siya sang pahayag kun may desisyon na ang Sangguniang Panlalawigan sa amo nga proposed ordinance.
Kaina sang aga may grupo man nga bitbit ang mga placards nag protesta sa GMO sa atubang mismo sang Kapitolyo Probinsyal.
Suno kay Lacson gina abi-abi nila ang kasubong nga mga lihok.
Ang iban naga paabot na sang kasubong nga protesta basta mag stick lamang sa isyu.