Mahimo pagkatapos na sang banning period masugdan ang pila sa mga major infrastructure projects sang siudad sang Silay nga naga lakip sang renovation sang public market.
Suno kay Silay City Mayor Joedith Gallego, mahimo sa November tigayon nga masugdan ini.
Una anay nila nga tikang amo ang pagpangita sang masayluhan ang mga tenant.
300million pesos ang budget para sa renovation.
Lakip man sa major infrastructure projects amo ang pagpatukod sang City College nga may budget man nga 300 million pesos suno kay Gallego, construction sang new city hall nga may 500 million pesos nga budget kag sports complex nga may 300 million pesos nga budget.
May 1.4 billion pesos nga iga loan ang siudad gikan sa Landbank para sa sini nga mga proyekto nga gina paabot matuman sa administrasyon ni Gallego.
Paathag sang alkalde naulihi na ang siudad sang Silay kun ipaanggid sa iban nga mga LGU.
Samtang, bahin sa mga nurses sa idalom sang one hospital command nga wala pa ma swelduhan, suno kay Gallego ini bangud wala pa tigayon ma renew ang ila mga kontrata.