4.5 million pesos nga balor sang bulig ang ginpanagtag sang probinsya sang Negros Occidental sa banwa sang Hinoba-an, Miyerkules.
Mga apektadyo sang bagyo Odette gikan sa Barangay 1, 2, San Rafael, Damutan, Talacagay kag Bacuyangan ang nag baton sang banana seedlings, mga balde, corrugated kag plain GI sheets kag food packs.
Ginpaathag ni Negros Occidental Governor Eugenio Jose Lacson sa mga pumuluyo nga base sa national guidelines, 5,000 pesos ang maximum nga mabaton sang isa ka pamilya nga financial assistance.
Suno kay Mayor Ernesto Estrao, labing apektado man ang Hinoba-an sang mag igo ang bagyo Odette. Panguma kag pangisda ang gina saligan sang mga pumuluyo nga apektado man ang palangitan-an.
30 tubtob 40 porsiento pa lamang sa kuryente sa banwa ang nabalik. Sunod naman nga padulungan sang probinsya ang banwa sang Ilog suno sa gobernador.
May mga 198 million pesos man ang probinsya nga pondo ang probinsya para sa mga apektado sang bagyo Odette kag ini ang gikan sa nabaton sa national government, private sector lakip na ang gikan sa kaugalingon nga pondo.