Regional Disaster Risk Reduction Management Council ang naka red alert man para sa Semana Santa.
Suno kay Donato Sermeno, III, ang Office of the Civil Defense Director kasubong man ang pamuno sang RDRRMC, naka red alert naman gid nga daan sila bangud sang sitwasyon sang bulkan Kanlaon, pero nalakip man sa ila nga maid-id nga monitoring karon nga pagdumdom sang Semana Santa.
Sila ang naga pakig-angut na sa tagsa ka local government unit nga amo ang naga deploy sang ila tagsa ka mga teams sa pagpasiguro sang malinong kag matawhay nga Holy Week.
Angut sa State of Energy Emergency sang pungsod naga patuman man ang OCD sang pagkinot sa produkto petrolyo kag enerhiya.
Samtang, suno kay Sermeno, upod sa ila nga pahanumdom sa publiko ang paghalong sa mainit nga panahon.
“Monitoring lang ang ma ano naton subong, naga cost cutting kita sa fuel. May schedule ta nga kadtuan nga LGUs kahapon pero gin-cancel na lang kay may memo si Sec of National Defense nga mag prioritize sang measures to save fuel and energy. So subong coordination lang kami with the LGUs, indi na kami mag libot. May gina expect na kita nga El Niño, so ang heat index amo na ang gina-monitor naton”, suno kay Sermeno.*
[sibwp_form id=1]